პაატა ბურჭულაძის პირველი კომენტარი გამოკითხვის შემდეგ - დაიწყება თუ არა სისხლის სამართლებრივი დევნა "იავნანას" დამფუძნებლის წინააღმდეგ

პაატა ბურჭულაძის პირველი კომენტარი გამოკითხვის შემდეგ - დაიწყება თუ არა სისხლის სამართლებრივი დევნა "იავნანას" დამფუძნებლის წინააღმდეგ

ფონდ "იავნანას" დამფუძნებელი პაატა ბურჭულაძე სასამართლოში მისი გამოკითხვის პროცესით ამ ეტაპზე კმაყოფილია. როგორც მან განმარტა, გამოძიებას ძალიან ბევრი შეკითხვა აქვს, რომელსაც პასუხს სცემს. ამასთან, ბურჭულაძის თქმით, "გამოძიებას ეჭვი აღარაფერში ეპარება უკვე".

აღნიშნული კომენტარი მან დაკითხვაზე გამოცხადებული შესვენებისას გააკეთა, ამჟამად კი ფონდ "იავნანას" დამფუძნებლის გამოკითხვა კვლავ განახლებულია.

"გამოკითხვა მიმდინარეობს ძალიან კორექტულად, საქმიანად. ძალიან კარგია, რომ დღევანდელი შეხვედრა შედგა და აქ ყველაფერს დაესმება თავისი წერტილი. დღევანდელი დღის, ჯერჯერობით, ძალიან კმაყოფილი ვარ. ძალიან ბევრი შეკითხვაა, თუმცა საუბარი საერთოდ არ ყოფილა მაღაზიებში განთავსებულ ყუთებზე, სადაც გროვდება თანხა. არავითარი ეჭვი არ ეპარება, მე მგონი, გამოძიებას", - განაცხადა ბურჭულაძემ.

ფონდ "იავნანას" დამფუძნებელი მის მიმართ სისხლის სამართლებრივი დევნის დაწყებას გამორიცხავს. როგორც მან აღნიშნა, კითხვები გამოძიებას მის პოლიტიკურ საქმიანობასთან დაკავშირებით ამ ეტაპზე არ დაუსვამს.

რაც შეეხება საქმის პოლიტიკურ მოტივაციას, ბურჭულაძე ვარაუდობს, რომ ფონდის თაობაზე დაწყებული გამოძიება მის პოლიტიკურ საქმიანობას უკავშირდება.

"გამორიცხულია ჩემს მიმართ საქმე აღიძრას. მინდა ეს ლაქა ფონდ "იავნანას" მოვაშორო. შეიძლება ეს ხდება ჩემი გულისთვის. თუ ეს ასეა, ამას მერე გეტყვით", - განაცხადა პაატა ბურჭულაძემ.

დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა

"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?

პოლიციელებმა 35 წლის მამაკაცის გატაცებაში ფული აიღეს? - რა ახალ დეტალებს ამჟღავნებს "კურიერი" რუსთავში მომხდარი მკვლელობის შესახებ