საპატიმროებს დღეს 50-მდე პატიმარი დატოვებს

საპატიმროებს დღეს, წინასწარი ინფორმაციით, 50-მდე პატიმარი დატოვებს. საქართველოს პრეზიდენტს პატიმრების შეწყალების რეკომენდაციით შეწყალების კომისიამ 22 აგვისტოს მიმართა.

კომისიის რეკომენდაციით, დაახლოებით, 50 პატიმარი შეწყალებული უნდა იყოს, 20-მდე პატიმარს კი სასჯელი გაუნახევრდეს.

ამასთან, 12 არასრულწლოვანი პატიმრიდან, რომელთაც შეწყალებაზე ჰქონდათ განაცხადები წარდგენილი, უმეტესობა მძიმე დანაშაულებისთვის იხდის სასჯელებს და, საბოლოოდ, კომისიის შემადგენლობის უმრავლესობამ მათ შეწყალებაზე უარი თქვა. შეწყალებულია მხოლოდ რამდენიმე არასრულწლოვანი.

რაც შეეხებათ ქალებს, 17 ქალი პატიმრიდან შეწყალების რეკომენდაცია მხოლოდ ექვსზე გაიცა.

"ინტერპრესნიუსი"