ავტომობილში ინტიმური ურთიერთობა 400 ლარით დაისჯება?

როგორც  ნიკო გომელაური ამბობდა, "ამ ქალაქში ყველაფერი მოსულა", დღეს შუა ქალაქში შესაძლოა ავტომობილში მოალერსე წყვილსაც შემთხვევით წავაწყდეთ.

ახლახან თბილისში, "ვორონცოვზე", წმინდა ნიკოლოზის ეკლესიასთან გამოძახებულ პატრულს ასეთი სურათი დახვდა:

ავტომობილში ინტიმური ურთიერთობის დამყარების შემდეგ გოგონას გულმა უმტყუნა და  გარდაიცვალა. ამ ტრაგედიაში ყველაზე საშინელი ის არის, რომ შეყვარებული წყვილი ბიძაშვილ-მამიდაშვილი აღმოჩნდა (მათ ვინაობას შეგნებულად არ ვასახელებთ, ვინაიდან ნათესავებისთვის გოგონას სიკვდილის მიზეზი უცნობია). ამის შემდეგ საპატრულო პოლიციამ საზოგადოებრივ თავშეყრის ადგილებში ინტიმური ურთიერთობის დამყარებისთვის ჯარიმა დააწესა.

"022"-ის 29-ე ოპერატორი:

- საზოგადოებრივი თავშეყრის ადგილებში ინტიმური ურთიერთობის დამყარება წვრილმან ხულიგნობად ითვლება და სისხლის სამართლის კოდექსის  166-ე მუხლით ისჯება, რაც ითვალისწინებს ჯარიმას.

- მართალია, რომ ჯარიმა 400 ლარს შეადგენს?

- ჯერჯერობით ზუსტ თანხას ვერ გეტყვით, ადგილზე მისული  საპატრულო ეკიპაჟი ინდივიდუალურად წყვეტს, როგორ აღმოფხვრას უწესრიგობა.

სოფო ყარალაშვილი

ყოველკვირეული გაზეთი ”ყველა სიახლე”

(გამოდის ხუთშაბათობით)