სამართალდამცველებმა დღევანდელი აქციის მონაწილე ერთ-ერთი სამარშრუტო ტაქსის მძღოლის ვაჟი დააკავეს .
როგორც "ინტერპრესნიუსს" გაფიცულმა მძღოლმა გოჩა სხირტლაძემ განუცხადა, დაკავებულია მისი ვაჟი, 20 წლის ლადო სხირტლაძე. ის ნაძალადევის რაიონში #122 სამარშრუტო ტაქსის გაჩერებაზე სამართალდამცავებთან შელაპარაკების დროს დააკავეს.
მისივე ინფორმაციით, თბილისის საქალაქო სასამართლოში ამჟამად ლადო სხირტლაძის სასამართლო პროცესი მიმდინარეობს.
თბილისის საკრებულოსთან გამართულ აქციაზე ასევე გავრცელდა ინფორმაცია ექვსი მძღოლის დაკავებასთან დაკავშირებით. ამჟამად პოლიტიკური პარტიების ლიდერები ამ ინფორმაციას აზუსტებენ.