ღარიბაშვილს და ოდიშარიას სასამართლოში უჩივიან
კულტურის მინისტრის ყოფილი მოადგილის, მარინა მიზანდარის ადვოკატი დღეს საქალაქო სასამართლოს პრემიერ-მინისტრის და კულტურის მინისტრის წინააღმდეგ, სარჩელით მიმართავს. მიზანდარის ინტერესებს "ახალგაზრდა იურისტთა ასოციაციის" წარმომადგენელი სულხან სალაძე იცავს.
როგორც "ინტერპრესნიუსს" სალაძემ განუცხადა, სარჩელში მოთხოვნილია იმ დოკუმენტების ბათილად ცნობა, რომლის საფუძველზეც პრემიერ-მინისტრმა დაადასტურა მიზანდარის თანამდებობიდან გათავისუფლება, ასევე გურამ ოდიშარიას მიერ მიზანდარის მიმართ შენიშვნის დოკუმენტის გაბათილება.
ადვოკატის თქმით, არც ერთი გადაწყვეტილება, რომელიც კულტურის მინისტრმა, გურამ ოდიშარიამ და პრემიერ-მინისტრმა, ირაკლი ღარიბაშვილმა მიზანდარის წინააღმდეგ მიიღეს, არ არის სამართლებრივად დასაბუთებული.
სარჩელში მოპასუხე მხარეები იქნებიან პრემიერ-მინისტრი და კულტურის სამინისტრო.
მარინა მიზანდარის ადვოკატი სარჩელს დღეს, 16:30 საათზე შეიტანს.
მარინა მიზანდარი კულტურის მინისტრის მოადგილის თანამდებობიდან, დაუმორჩილებლობისა და პიროვნული შეუთავსებლობის მოტივით პრემიერ-მინისტრის 10 თებერვლის ბრძანების საფუძველზე გაათავისუფლეს.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
