ავღანეთში სამი ქართველი სამხედრო დაშავდა

ავღანეთში, ბაგრამის სამხედრო ბაზაზე სამი ქართველი სამხედრო მოსამსახურე დაშავდა. ამასთან დაკავშირებით თავდაცვის სამინისტრო განცხადებას ავრცელებს, რომელშიც ნათქვამია , რომ შემთხვევა ქართველი სამხედროების პატრულირების დროს მოხდა, როდესაც თვითმკვლელმა ტერორისტმა თავი აიფეთქა. თავდაცვის სამინისტროს ინფორმაციით, დაშავებული სამხედრო მოსამსახურეების სიცოცხლეს საფრთხე არ ემუქრება. ისინი ბაგრამის ბაზის სამხედრო ჰოსპიტალში გადაიყვანეს. სამხედროები სამედიცინო დაკვირვების ქვეშ იმყოფებიან და უტარდებათ შესაბამისი სამედიცინო მკურნალობა.