უკრაინაში დაკავებულმა ორმა სამხედრომ აღიარა, რომ რუსეთის შეიარაღებული ძალების წევრები არიან
გასულ კვირას აღმოსავლეთ უკრაინაში დაკავებულმა ორმა სამხედრომ აღიარა, რომ ისინი რუსეთის შეიარაღებული ძალების წევრები არიან. ამის შესახებ მათ ეუთო-ს დამკვირვებლებს განუცხადეს, დაკავებული სამხედროები კიევში მდებარე სამხედრო ჰოსპიტალში იმყოფებიან, სადაც ისინი გუშინ ეუთო-ს წარმომადგენლებმა დაკითხეს.
"ისინი შეიარაღებულები იყვნენ, თუმცა არ ჰქონდათ თავდასხმის ბრძანება. ერთ-ერთმა აღნიშნა, რომ მას თავისი სამხედრო ნაწილიდან უკრაინაში წასვლის ბრძანება ჰქონდა. ამასთან მათ განაცხადეს, რომ არც ერთი რუსი სამხედრო უკრაინაში საბრძოლო მოქმედებებში არ ერთვება", - განაცხადა უკრაინის უსაფრთხოების წარმომადგენელმა.
კიევი და დასავლეთი ამტკიცებს, რომ დონბასის ტერიტორიაზე ასობით რუსი სამხედროა, რომლებიც პრორუს მებრძოლებს ეხმარებიან, აღნიშნულ ბრალდებებს მოსკოვი კატეგორიულად უარყოფს.
"ტელეფონი დავამტვრიე, ჩემები რომ დამირეკავდნენ, რუსს არ ეთქვა: აქ ბევრი მკვდარია, თქვენ რომელი გინდათო..." - შინდისის ბრძოლას გადარჩენილის ნაამბობი
83 წლის მამაკაცი, რომელიც კახეთში პოლიციელებს თავს დაესხა, გირაოს სანაცვლოდ გათავისუფლდა
