კვირის ყველაზე კითხვადი სტატიები
თვის ყველაზე კითხვადი სტატიები
10:13 / 20-04-2017
როგორ ითვისებენ სოხუმს რუსები
აფხაზური საზოგადოების ერთმა ნაწილმა სოხუმში რუსეთის საგარეო საქმეთა მინისტრის, სერგეი ლავროვის ვიზიტი იზეიმა. აფხაზეთის დე ფაქტო რესპუბლიკის პრეზიდენტ რაულ ხაჯიმბასთან შეხვედრის შემდეგ გამართულ პრესკონფერენციაზე ლავროვმა განაცხადა, რომ რუსეთთან ურთიერთობა აფხაზეთის უსაფრთხოების საიმედო გარანტიაა.

"ჩვენი ურთიერთობა გამყარებულია სახელმწიფოთაშორისი შეთანხმებებით და კონკრეტული ზომებით, რომლებსაც რუსეთის შეიარაღებული ძალები მიმართავს, რათა გარედან აგრესია აღარ განმეორდეს", - აღნიშნა სერგეი ლავროვმა.

პრესკონფერენციაზე ლავროვს ჰკითხეს კოლექტიური უსაფრთხოების ხელშეკრულების ორგანიზაციაში აფხაზეთის შესაძლო გაწევრიანების შესახებ, რაზეც ლავროვმა უპასუხა, რომ რუსეთი ასეთ თანამშრომლობას მიესალმება, თუმცა,
სრულფასოვანი წევრის, ან მეთვალყურის სტატუსის მიღებას ორგანიზაციაში გაერთიანებული ყველა ქვეყნის თანხმობა სჭირდება. აქვე ლავროვმა განაცხადა, რომ საქართველოსა და აფხაზეთს შორის ძალის გამოუყენებლობის, იურიდიული ძალის მქონე დოკუმენტის ხელმოწერა სრულიად რეალურია.

"ე.წ. ჟენევის დისკუსიას შედეგი მოაქვს. ყოველ შემთხვევაში, დარწმუნებულნი ვართ, რომ უახლოეს მომავალში რეალურია ძალის გამოუყენებლობის დოკუმენტის გაფორმება, რაც მნიშვნელოვანი სიგნალი იქნება მთლიანად კავკასიის რეგიონისთვის" - განაცხადა სერგეი ლავროვმა.

საქართველოს ოკუპირებულ ტერიტორიაზე - აფხაზეთში რუსეთის საგარეო საქმეთა მინისტრის ვიზიტის მიზეზი "საელჩოს" ახალი კომპლექსი იყო, რომელიც სერგეი ლავროვმა ოფიციალურად გახსნა, ის 14 ათასს კვადრატულ მეტრზეა გადაჭიმული.

"ამერიკის ხმის" ინფორმაციით, რუსების "საელჩო" სოხუმის გულში, ზღვასთან ახლოს, ფრუნზესა და ლაკობას ქუჩების კუთხეში, დამწვარი სასტუმრო "აფხაზეთის" გვერდით გაიხსნა. რთულ არქიტექტურულ კომპლექსს, რომელიც რუსეთის კუჩერენკოს სახელობის სამშენებლო კონსტრუქციების ინსტიტუტმა დააპროექტა, 11 ათასი კვადრატული მეტრი უკავია და სხვადასხვა დანიშნულების შვიდ ნაგებობასთან ერთად, დიდი საცურაო აუზიც აქვს. მას თითქმის 4 წელი აშენებდნენ.

ამას გარდა, დამატებით 3 ათასი კვ.მ. მიწა, რუსეთის "ელჩის" "რეზიდენციისთვის" აფხაზებმა სინოპში, თბილისის გზატკეცილზე გამოყვეს, რომელსაც ახლა კოდორის "შოსე" უწოდეს და 3 სართულიანი სასახლე ააგეს.

რუსეთმა 2,5 ჰექტარი მიწა სოხუმში, 2010 წელს - 99-წლიანი "იჯარით" აიღო. "იჯარის" ფასი წელიწადში, სიმბოლურად 1 რუსული რუბლია, რაც ნიშნავს, რომ 99 წლის განმავლობაში, სოხუმის ბიუჯეტში დაახლოებით - 4 ლარი შევა. პროექტის ბიუჯეტი გასაიდუმლოებულია. ექსპერტების აზრით, ასეთი კომპლექსის ფასი 5 მილიარდ რუსულ რუბლს (90 მილიონ აშშ დოლარს) აღემატება. შეთანხმების მიხედვით, სოხუმში რუსეთის სახსრებით აშენებული ყველა უძრავი ქონება რუსეთის სახელმწიფოს საკუთრებად ითვლება.

რუსეთის "საელჩოს" ახალი, გრანდიოზული შენობის მიმართ არაერთგვაროვანი დამოკიდებულებაა აფხაზურ საზოგადოებაში - აფხაზები სოციალურ ქსელში წერენ, რომ რუსული "დიპლომატიური კომპლექსის" მასშტაბები, რომლის მუშაობის შედეგი, რატომღაც "ქვეყანას" არ ეტყობა, სოხუმის არქიტექტურას ამახინჯებს.

აფხაზების მწვავე რეაქცია გამოიწვია კიდევ ერთმა ფაქტმა - "საელჩოსა" და "რეზიდენციის" მშენებლობის დროს რუსებმა იქვე, ლაკობა-ფრუნზეს ქუჩისა და თბილისის გზატკეცილთან არსებული ტროტუარიც აითვისეს. ეს ის ადგილებია, სადაც 1933 წელს გაშენებული ვაშინგტონის ცნობილი პალმები ხარობს.

აფხაზური მედიის ცნობით, რუსები "საელჩოს" უსაფრთხოების ინტერესებიდან გამომდინარე, აპირებენ მთლიანად ჩაკეტონ ფრუნზეს ქუჩის დასაწყისი, რომელიც სოხუმის ცნობილ სანაპიროზე გადის. გააუქმონ ავტობუსის გაჩერება და მოსახლეობას აუკრძალონ ფრუნზედან სანაპიროზე მდებარე რესტორან "ნართაში" შესვლა და იქ ავტომანქანის პარკირება. ეს რესტორანი სოხუმში, რუსთაველის ქუჩაზე 1968 წლიდან არის გახსნილი...

ამ პროექტის დასრულების შემდეგ, ადგილობრივ მოსახლეობას ზღვის სანაპიროზე ამ ქუჩიდან გასასვლელი აღარ იქნება. სანაპიროზე გასასვლელად საავტომობილო გზებით მოუწევთ სიარული. "თუ გავითვალისწინებთ ჩვენი მოსახლეობის კანონის მიმართ დამოკიდებულებას, მივხვდებით, რომ ეს არც ისე უსაფრთხოა...თუმცა,  ჩვენი სუსტი პროტესტის ფონზე, ისინი აქაურობას ნაბიჯ-ნაბიჯ ითვისებენ", - წერენ აფხაზები, თუმცა, მათ უთხრეს, რომ პროექტი უკვე დასრულებულია და ვერაფერს შეცვლიან.

მეორე ნაწილის თქმით, მათი საიმედო საყრდენი რუსეთია, რომელიც პატივს სცემს აფხაზეთის "დამოუკიდებლობას". ამის დასტურია ლავროვის ჟესტი, რომელმაც "სოხუმში აფხაზეთის დამოუკიდებლობისთვის ბრძოლაში დაღუპულთა მემორიალი ყვავილებით შეამკო".

ლალი პაპასკირი
AMBEBI.GE
01:45 / 29-04-2017
halagaji
0
გვაჯობა კრემლმა,გაგვაბა მახეში. ორჯონიკიზები და მახარაზეები არ ილევა ამ საცოდავ ქვეყანაში.არ მეგონა თუ ამდენი გაუნათლებელი და ურჯულო ადამიანები გვყვავდა.
18:32 / 28-04-2017
ნაია
0
გულისა და ენის ფხანა გამოგვდის ყველაფერზე კარგად...და პუტინი და ტრამპი დიდად განსხვავებული არ იქნება ჩვენთვის, ასე მგონია
მსგავსი სიახლეები
ტერორისტების შოკი მარცხის შემდეგ თუ სტრატეგიული პაუზა?
"ცენტრალური აზიის მოქალაქეებისგან შექმნილი ჯგუფი, მითითებებს ISIS  -ისგან იღებდა..."
"მინდა ჩემი ხალხის ცხოვრება გაუმჯობესდეს, რუსეთი გახდეს უფრო ძლიერი, დაცული და განვითარებული..."
სოციალური ქსელების მომხმარებლები კნიაზევათი აღფრთოვანებულები არიან
საერთაშორისო ოლიმპიურმა კომიტეტმა რუსეთს მკაცრი განაჩენი გამოუტანა
"ნარკოტესტის შედეგად, სამსახურიდან გათავისუფლებულია "შს სამინისტროს" 18 თანამშრომელი..."
"სექტემბრის მონაცემებით, სირიისა და ერაყის საბრძოლო მოქმედებების ზონაში, 500-მდე ბავშვი იმყოფებოდა..."
"ჩატაევს თბილისში დაბრუნება რუსეთის კურატორთა ბრძანებით შეეძლო..."
სერგეი შამბა: "ყოველ შემთხვევაში, უნდა ვცადოთ, ამაზე უარესი შედეგი, რაც ახლა გვაქვს, არ დადგება..."
"თავშესაფრის აშენებას დრო სჭირდება, რაც ჩვენ არ გვაქვს..."
ამ კატეგორიის სხვა სიახლეები
23:45 / 12-12-2017  Image ადვოკატთა ასოციაციის სასწავლო ცენტრის დირექტორი თინა ქარსელაძე გარდაცვლილი იპოვეს
თინა ქარსელაძე 35 წლის იყო
22:57 / 12-12-2017  Image გიორგი გაჩეჩილაძე - შეცდომა იყო, თავის დროზე რომ ვთქვი, გიორგი კვირიკაშვილი ჩემი მეგობარია-თქო
+VIDEO გაჩეჩილაძემ ისაუბრა საქართველოში ტენდერებში კომპანიების მონაწილეობასთან დაკავშირებულ ხარვეზებზე
10:13 / 12-12-2017  Image ყველაზე შთამბეჭდავი ელექტრომობილი - Tesla Model S
საკმარისია, ელექტრომობილი ახსენო, რომ დიდს თუ პატარას მაშინვე Tesla ახსენდება.
22:02 / 12-12-2017  Image დევნილებს საჩუქრად ბულგარული წიწაკა მიუტანეს - "დაცინვაა ჩვენი... სახლში რომ ვყოფილიყავი, არ ავიღებდი"
"შეღავათი ის არის, რომ ბულგარული წიწაკა მოგვიტანეს"
14:46 / 12-12-2017  Image "დაემუქრნენ: თუ თანხას არ გადაიხდით, თქვენვე დაზარალდებითო..." - რა მოხდა იაშვილის კლინიკაში?
როგორ დაუანგარიშა იაშვილის კლინიკამ 16 წლის მოზარდს 3-დღიან სამედიცინო მომსახურებაში 1785 ლარი

პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49