რუსეთის არმიის უფროსმა ლეიტენანტმა 4 ჩეჩენი დაჭრა - დაჭრილთაგან ერთი დაიღუპა

რუსეთის არმიის უფროსმა ლეიტენანტმა 4 ჩეჩენი დაჭრა - დაჭრილთაგან ერთი დაიღუპა

რუსეთის სამხედრო მოსამსახურემ ჩეჩნეთში ოთხი სამხედრო დაჭრა - ერთ-ერთი მათგანი, მიღებული ჭრილობებისგან ადგილზე დაიღუპა. ინციდენტი ჩრდილოეთ კავკასიის ერთ-ერთ სამხედრო ნაწილში, შელკოვსკაიასთან მოხდა... უფროსმა ლეიტენანტმა ყაზარმაში, სამორიგეო ნაწილში, ავტომატური იარაღიდან ცეცხლი გახსნა და სასიკვდილოდ დაჭრა ოთხი სამხედრო მოსამსახურე.

დაწყებულია მოკვლევა. რუსეთის თავდაცვის სამინისტრომ ადგილზე გაგზავნა ოფიცერთა ჯგუფი, უსაფრთხოების სამსახურის ნაწილიდან. ასევე, პირადი შემადგენლობის ოფიცრები და ფსიქოლოგი. გავრცელებული ინფორმაციით, უფროსი ლეიტენანტიც ჩეჩენი იყო... კიდევ ერთი ვერსიით, სამხედრო პირი ნასვამ მდგომარეობაში იყო და მას "ჩეჩნური თავისებურები უკვე ყელში ჰქონდა ამოსული".

მომხდარს რუსულ საზოგადოებაში გამოხმაურება მოჰყვა. სამხედროების თქმით, ასეთი რამ რუსულ შეიარაღებულ ძალებში სიახლე არ არის, რადგან ყოველწლიურად არმიაში სხვადასხვა მიზეზით 3 ათასამდე სამხედრო იღუპება... რუსები სოციალურ ქსელებში წერენ, რომ ამაში ცუდი არაფერია და ოთხი "ეს ძალიან ცოტაა, მეტი უნდა დახოცილიყო..."

ალექსანდრ პოლუბნევი: "რა არის აქ ცუდი?.. მიუშვით, ესროლონ ერთმანეთს. რაც ნაკლები ნაგავი იქნება, ჩვეულებრივი ადამიანები უფრო მშვიდად იქნებიან..."

პოსტებიდან ირკვევა, რომ ალექსანდრეს პათოსს ძალიან ბევრი იზიარებს, - "მეტი ტყვია უნდა ჰქონოდა იმ უფროს ლეიტენანტს..." "მშვენიერი სიახლეა, ისინი ადამიანები კი არა, ტურები არიან, რომლებიც მუდმივად ავის გაკეთებაზე ფიქრობენ..." - წერენ რუსი ინტერნეტმომხმარებლები.

ლალი პაპასკირი

AMBEBI.GE

"ტელეფონი დავამტვრიე, ჩემები რომ დამირეკავდნენ, რუსს არ ეთქვა: აქ ბევრი მკვდარია, თქვენ რომელი გინდათო..." - შინდისის ბრძოლას გადარჩენილის ნაამბობი

83 წლის მამაკაცი, რომელიც კახეთში პოლიციელებს თავს დაესხა, გირაოს სანაცვლოდ გათავისუფლდა

"დღეს გულისამაჩუყებელი ამანათი მივიღეთ..." - უცნობი ამერიკელი ჯარისკაცის წერილი ავღანეთში დაღუპულ ქართველ მებრძოლზე