ბოლო წლებში რუსეთის არმიაში 3 000-ზე მეტი ჯარისკაცი დაიღუპა

ბოლო წლებში რუსეთის არმიაში 3 000-ზე მეტი ჯარისკაცი დაიღუპა

2012-2016 წლებში, რუსეთის თავდაცვის სამინისტროს შეიარაღებულ ძალებში, 3 ათასზე მეტი ჯარისკაცი დაიღუპა. ამის შესახებ სადაზღვევო კომპანია იუწყება, სადაც რუსი სამხედროები იყვნენ დაზღვეული. კომპანიის მონაცემებით, მხოლოდ 2012 წელს 630 სამხედრო პირი დაიღუპა, 2013 - 596, 2014 წელს, - 790, ხოლო, 2015 წელს, - 626. თუმცა, როგორც ირკვევა, ეს საბოლოო მონაცემები არ არის, რადგან არსებული ცნობებით, ოქტომბერში რუსული მედია წერდა, რომ სირიიდან მხოლოდ დონის როსტოვში, დაღუპული რუსი სამხედროებით დატვირთული 12 ერთეული "გრუზ-200" ჩავიდა და ეს არც პირველი და არც ბოლო შემთხვევა არ ყოფილა.

არაფერს ვამბობთ სამხედრო კომპანია "ვაგნერის" კონტრაქტორებზე, რომელთა შესახებ ინფორმაციის მიწოდების პასუხისმგებლობას რუსეთის თავდაცვის სამინისტრო არ იღებს... ამას ემატება, ტყვედ ჩავარდნილი სამხედროები, რომელზეც შოიგუს უწყებამ საკმაოდ გულგრილად განაცხადა, მაღალჩინოსანი სამხედროები ტყვეების გარდა, ყველა მოკლულიაო...

ეს კი იმას ნიშნავს, რომ მხოლოდ პალმირის გათავისუფლებასა და ევფრატის მარცხენა სანაპიროს გაკონტროლებას, რამდენიმე ასეული სამხედრო შეეწირა. შესაბამისად, შედეგიც გაცილებით მძიმე იქნება...

რუსეთის თავდაცვის სამინისტროს ყოფილი თანამშრომლის თქმით, დაზღვევას იღებენ როგორც სავალდებულო სამსახურის ჯარისკაცები, ასევე - კონტრაქტორები.

როგორც რუსული მედია აღნიშნავს, ყველაზე მეტი სამხედრო 2014 წელს, რუსეთ-უკრაინის ომის დაწყებისას დაიღუპა. თუმცა, რუსეთის თავდაცვის სამინისტრო ამ ინფორმაციას კატეგორიულად უარყოფს და მხოლოდ ლაკონური განცხადებებით შემოიფარგლება, რომლის თანახმადაც, დაღუპული სამხედროების აღრიცხვა მიმდინარეობს და მთლიანი სურათი სულ მალე დაიდება. შოიგუს უწყების ინფორმაციით, ვითარება არც ისეთი ტრაგიკულია, როგორც ამას მედია აღწერს.

თუმცა, Ведомости წერს, რომ თავდაცვის სამინისტროს მიერ გასულ წლებში გამოქვეყნებული მონაცემები სიმართლეს არა ასახავს. კერძოდ, მათი ცნობით, 2010 წლისთვის, პროკურატურის ოფიციალური მონაცემებით, 2008 წელს, სხვადასხვა მიზეზით, რუსეთის შეიარაღებულ ძალებში, სულ 471 სამხედრო დაიღუპა; 2009 წელს, - 470, 2010-ში კი 470... რუსული მედიის ინფორმაციით, შესაბამის უწყებებს არცერთ წელს არ განუმარტავთ, რა გახდა სამხედროების "სიკვდილიანობის მიზეზი..."

ლალი პაპასკირი

AMBEBI.GE

"ტელეფონი დავამტვრიე, ჩემები რომ დამირეკავდნენ, რუსს არ ეთქვა: აქ ბევრი მკვდარია, თქვენ რომელი გინდათო..." - შინდისის ბრძოლას გადარჩენილის ნაამბობი

83 წლის მამაკაცი, რომელიც კახეთში პოლიციელებს თავს დაესხა, გირაოს სანაცვლოდ გათავისუფლდა

"დღეს გულისამაჩუყებელი ამანათი მივიღეთ..." - უცნობი ამერიკელი ჯარისკაცის წერილი ავღანეთში დაღუპულ ქართველ მებრძოლზე