ირანი ბირთვული პროგრამის საკითხში რუსეთთან ითანამშრომლებს
ირანი მზადაა, რუსეთის შეთავაზება მიიღოს და ბირთვული პროგრამის თაობაზე დისკუსია განაახლოს. ამის შესახებ ირანის პრეზიდეტმა მაჰმუდ ახმადინეჯადმა რუსეთის უშიშროების საბჭოს მდივანთან, ნიკოლაი პატრუშევთან შეხვედრისას განაცხადა.
"ირანის ისლამისტური რესპუბლიკა პოზიტიურად აფასებს რუსეთის ინიციატივას და ამ მიმართულებით თანამშრომლობის გაფორმება არა მარტო ირანის, არამედ მთელი ახლო აღმოსავლეთის ინტერესებში შედის. რესპუბლიკაში ბოლოდროინდელი მოვლენები თეირანისა და მოსკოვის თანამშრობლობის გააქტიურებას მოითხოვს", - განაცხადა ახმადინეჯადმა.
ირანის ნაციონალური უშიშროების საბჭოს მდივანი, საიდ ჯალილი მიიჩნევს, რომ რუსეთის წინადადებები, შესაძლოა, ბირთვული პროგრამის თაობაზე ირანსა და საერთაშორისო "ექვსიანს" შორის მოლაპარაკების განახლების საფუძველი გახდეს.
მომზადებულია itar-tass.com-ის მიხედვით
"ტელეფონი დავამტვრიე, ჩემები რომ დამირეკავდნენ, რუსს არ ეთქვა: აქ ბევრი მკვდარია, თქვენ რომელი გინდათო..." - შინდისის ბრძოლას გადარჩენილის ნაამბობი
83 წლის მამაკაცი, რომელიც კახეთში პოლიციელებს თავს დაესხა, გირაოს სანაცვლოდ გათავისუფლდა
