განათლების სამინისტრო სკოლებში რეგისტრაციის დაწყებამდე მშობლებს აფრთხილებს

 განათლების სამინისტრო სკოლებში რეგისტრაციის დაწყებამდე მშობლებს აფრთხილებს

საქართველოს განათლებისა და მეცნიერების სამინისტრო სკოლებში რეგისტრაციის დაწყებამდე მშობლებს აფრთხილებს.

როგორც "ინტერპრესნიუსთან" საუბრისას განათლებისა და მეცნიერების მინისტრის მოადგილემ, ლია გიგაურმა აღნიშა, გასულ წელს პროგრამას, რომლის მეშვეობითაც მშობლები სკოლებში შვილებს არეგისტრირებენ, ჰქონდა ხარვეზები, რადგან გათვლილი იყო წუთში 10 000 მომხმარებელზე. მინისტრის მოადგილის თქმით, გასულ წელს მოხდა ისე, რომ ერთდროულად პროგრამის 70 000 მომხმარებელმა ისარგებლა, რამაც ხარვეზები შექმნა. მისივე თქმით, წელს უკვე პროგრამა გაუმჯობესებულია და წუთში გათვლილია 50 000 მომხმარებელზე, თუმცა განათლებისა და მეცნიერების სამინისტრო მშობლებს აფრთხილებს.

"ჩვენ გაფრთხილებას ვაკეთებთ ყველა მშობელთან, რომ არ დაარეგისტრიროს ერთი ბავშვი რამდენიმე მეურვემ და მშობელმა ერთდროულად, რაც პროგრამას უქმნის ხარვეზებს. რაც მთავარია, ამის შესაძლებობა მშობელს ნამდვილად არ ექნება, რადგან თუ ერთი და იგივე ბავშვზე რეგისტრაციას დაიწყებს რამდენიმე ადამიანი, საერთოდ შეჩერდება ამ ბავშვის რეგისტრაცია. პროგრამულად ეს უზრუნველყოფა გაკეთებულია, პროგრამა ისეა გამართული, რომ მცდელობა ერთი ბავშვი დაარეგისტრიროს 10-მა, 15-მა, 20 ადამიანმა აუცილებლად იქნება დაბლოკილი", - აღნიშნა ლია გიგაურმა.

პირველკლასელთა რეგისტრაციის პირველი ეტაპი 23 აპრილს დაიწყება. პირველკლასელთა რეგისტრაციის სრულ სამივე ეტაპის განგრიგს სამინისტრო ხვალ წარმოადგენს.

"ინტერპრესნიუსი"

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია