საკრებულოს რომელმა დეპუტატმა გადარიცხა თანხა ჯაბა ბოჯგუას დასახმარებლად
თბილისის საკრებულოს სახელდებისა და სიმბოლიკის კომისიის თავმჯდომარემ, ნათელა მაჭავარიანმა საკუთარი პრემიიდან თანხა ჯაბა ბოჯგუას დასახმარებლად გადარიცხა.
როგორც "ინტერპრესნიუსს" თბილისის საკრებულოდან აცნობეს, ნათელა მაჭავარიანმა, მომღერალი ჯაბა ბოჯგუა მოინახულა, რომელიც უკვე ექვსი წელია, თავის ტვინის ჰიპოქსიური დაზიანების დიაგნოზით კომაში იმყოფება.
მათივე ინფორმაციით, დიაგნოზის მკურნალობას, რომელიც მომღერალს დაუსვეს, კერძო თუ სახელმწიფო დაზღვევა და ჯანდაცვის არსებული არც ერთი პროგრამა არ ანაზღაურებს, ამიტომ ოჯახი კონკრეტული შემოწირულობებისა და ერთჯერადი სახელმწიფო დახმარებების იმედად არის დარჩენილი.
ნათელა მაჭავარიანმა მიღებული პრემიიდან თანხა ჯაბა ბოჯგუას დასახმარებლად, ოჯახის საბანკო ანგარიშზე გადარიცხა. მაჭავარიანი იმედს გამოთქვამს, რომ აღნიშნული თანხა დაეხმარება ჯაბას ოჯახს, პირველადი საჭიროების მედიკამენტების შესაძენად.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
