წამლები, რომლებიც ახალი რეგულაციით რეცეპტის გარეშე არ გაიყიდება

წამლები, რომლებიც ახალი რეგულაციით რეცეპტის გარეშე არ გაიყიდება

სამედიცინო საქმიანობის სახელმწიფო რეგულირების სააგენტომ იმ წამლების სია გამოაქვეყნა, რომელლებიც პირველი სექტემბრიდან რეცეპტის გარეშე აღარ გაიყიდება.

როგორც ცნობილია, 1 სექტემბრიდან ძალაში შედის "წამლისა და ფარმაცევტული საქმიანობის შესახებ კანონში" ცვლილება, რომლის მიხედვითაც, ურეცეპტოდ აღარ გაიცემა II ჯგუფის მედიკამენტები, მათ შორის, საძილე და დამამშვიდებელი საშუალებები (გარდა მცენარეული პრეპარატებისა), ანტიდეპრესანტები, მიკრობების საწინააღმდეგო პრეპარატები სისტემური გამოყენებისათვის, სიმსივნის საწინააღმდეგო პრეპარატები და იმუნომოდულატორები, საგულე გლიკოზიდები, ანტიარითმული და ანტიჰიპერტენზული პრეპარატები, შაქრიანი დიაბეტის სამკურნალო პრეპარატები, საინექციო წამლის ფორმები, ვიტამინების ნაწილი და სხვა.

უფრო კონკრეტულად კი, მომხმარებლებს რეცეპტის წარდგენის ვალდებულება ექნებათ ისეთი პოპულარული მედიკამენტების შეძენისას, როგორიცაა ნიმესილი, კეტონალი (ამპულებში), გლუკოზა, დიმედროლი, პარაცეტამოლი, სუპრასტინი (ამპულებში), ანალგინი (ამპულებში), სტრეპტომიცინი, ვიაგრასანი, ვიტამინი E, დრამინა, ერითრომიცინი (ამპულებში), ესენციალე N, ამოქსიკლავი და სხვა, სულ 6 209 დასახელების მედიკამენტი მეორე ჯგუფიდან.

II ჯგუფის მედიკამენტების რეცეპტურის ინსტიტუტის ამოქმედების ფარგლებში, დამტკიცდა მეორე ჯგუფს მიკუთვნებული მედიკამენტების რეცეპტის გამოწერის წესი და ფორმა №3 რეცეპტის ბლანკის ახალი ფორმა.

რაც შეეხება ურეცეპტოდ გასაცემი III ჯგუფის მედიკამენტების ნუსხას, იგი 3 000-ზე მეტ მედიკამენტს მოიცავს, მათ შორის კუჭ-ნაწლავის დაავადებების სამკურნალო პრეპარატებს, ვიტამინებს და მინერალებს, გარდა საინექციო ხსნარებისა, სიცხის დამწევი და ანთების საწინააღმდეგო საშუალებებს, ხველის საწინააღმდეგო და ამოსახველებელი საშუალებებს.

სამედიცინო საქმიანობის სახელმწიფო რეგულირების სააგენტომ თავის ვებგვერდზე გამოაქვეყნა რეცეპტით გასაცემი წამლების ნუსხა (პირველი და მეორე ჯგუფი), აგრეთვე ის წამლები, რომლებიც ურეცეპტოდ გაიცემა (მესამე ჯგუფი).

იხილეთ წამლების ჩამონათვალი

ასევე იხილეთ: წამლების ჩამონათვალი, რომლებსაც რეცეპტის გარეშე იყიდით

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია