როგორ აფასებენ მეუფე იაკობის მიერ "ნაცმოძრაობის" წინააღმდეგ ხმის მიცემის შესახებ მოწოდებას - გამოკითხვის შედეგები

როგორ აფასებენ მეუფე იაკობის მიერ "ნაცმოძრაობის" წინააღმდეგ ხმის მიცემის შესახებ მოწოდებას - გამოკითხვის შედეგები

NDI-ის კვლევის თანახმად, გამოკითხულთა უმრავლესობა მეუფე იაკობის მიერ "ნაციონალური მოძრაობის" წინააღმდეგ ხმის მიცემისადმი მოწოდებას არ ამართლებს.

NDI-ის მიერ გამოკითხულთა 77%-მა არ იცოდა იმის შესახებ, რომ 6 ივლისს მეუფე იაკობმა ამომრჩევლებს მოუწოდა, "ერთიანი ნაციონალური მოძრაობის" წინააღმდეგ მიეცათ ხმა. ამ ფაქტის შესახებ ცნობილი იყო გამოკითხულთა 18%-ისთვის.

მეუფე იაკობის მიერ "ნაციონალური მოძრაობის" წინააღმდეგ ხმის მიცემისადმი მოწოდებას გამოკითხულდა მხოლოდ 13% ამართლებს, 63% არ ამართლებს, 23% აცხადებს, რომ "არ იცის", ხოლო 1%-მა კითხვაზე პასუხისგან თავი შეიკავა.

ამასთან, გამოკითხულთა უმრავლესობამ - 70%-მა არ იცოდა იმის შესახებ, რომ ცენტრალურმა საარჩევნო კომისიამ მეუფე იაკობისაგან ახსნა-განმარტება მოითხოვა, რადგან საარჩევნო კანონმდებლობა კრძალავს რელიგიური ორგანიზაციების მიერ საარჩევნო კამპანიაში მონაწილეობას. გამოკითხულთა 18% აცხადებს, რომ იცოდა ამ ფაქტის შესახებ, 11%-მა უპასუხა – არ ვიცი, ხოლო 1%-მა პასუხზე უარი განაცხადა.

გამოკითხულთა 44% ამართლებს ცენტრალური საარჩევნო კომისიის მიერ მეუფე იაკობისგან ახსნა-განმარტების მოთხოვნას, 24% არ ამართლებს, 30% ამბობს, რომ არ იცის, ხოლო 1%-მა პასუხზე უარი განაცხადა.

NDI-ის აგვისტოს კვლევის საველე სამუშაოები მიმდინარე წლის 23 ივლისიდან 7 აგვისტომდე პერიოდში ჩატარდა. კვლევის ფარგლებში 3 338 რესპონდენტი გამოიკითხა.

"ინტერპრესნიუსი"

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია