ლიტვაში ქართველებმა და ვიეტნამელებმა სიგარეტის გამო იჩხუბეს

ვიეტნამისა და საქართველოს დაახლოებით, ორმოცდაათმა მოქალაქემ, ლიტვაში მდებარე სარეგისტრაციო ცენტრში იჩხუბეს. გავრცელებული ინფორმაციის მიხედვით, ჩხუბი ბელორუსის საზღვრის მახლობლად მდებარე ქალაქ პაბრადეში მოხდა. შედეგად, ჩხუბის ერთ-ერთმა მონაწილემ ხელის ტრავმა მიიღო. ჩხუბის მონაწილეების გასაშველებლად ცრემლსადენი გაზის გამოყენება გახდა საჭირო.

წინასწარი ინფორმაციით, ქართველმა მამაკაცმა ვიეტნამელს სიგარეტი სთხოვა, სწორედ ეს გახდა ჩხუბის მიზეზი. საემიგრაციო ცენტრის მონაცემებით, ქალაქში დაახლოებით 185 არალეგალი ცხოვრობს, რომელთა უმეტესობას ვიეტნამელები წარმოადგენენ.