შემაძრწუნებელი კადრები: ძიძა 11 თვის ბავშვზე ძალადობს

რუსეთში, ჩელიაბინსკის ოლქში ძიძა 11 თვის ბავშვს სცემდა. მშობლებმა ამის შესახებ ვიდეოსათვალთვალო კამერის დახმარებით გაიგეს.

მშობლები მოყვნენ, რომ ძიძა ინტერნეტში განცხადებით იპოვეს. მამამ ორკვირიანი შვებულებაც კი აიღო, რომ შეემოწმებინა, როგორ გრძნობდა მათი პატარა ვაჟი ძიძასთან თავს.

სამსახურში გასვლის შემდეგ კი მათ შენიშნეს, რომ ბავშვი ქალთან ყოფნის დროს ისტერიკულად ტიროდა და აბაზანის შიში გაუჩნდა, ადრე კი ბანაობა უყვარდა. შედეგად, ცოლ-ქმარმა სასტუმრო ოთახში ფარული კამერის დაყენება გადაწყვიტა. როდესაც ბავშვის მშობლებმა ქალს ჩანაწერი უჩვენეს, იგი ბინიდან გაიქცა. იმავე დღეს 53 წლის ქალის წინააღმდეგ, რომელსაც საბავშვო ბაღში და კერძო ძიძად მუშაობის 13-წლიანი გამოცდილება აქვს, პოლიციაში განცხადება შეიტანეს.

იხილეთ ვიდეო