ინციდენტი ბათუმის ფორუმზე - რატომ ჩამოხია ალიევის პლაკატი აზერბაიჯანული დელეგაციის წევრმა

ბათუმში მიმდინარე აღმოსავლეთ პარტნიორობის სამოქალაქო საზოგადოების ფორუმზე ინციდენტი მოხდა.

როგორც "ინტერპრესნიუსის" კორესპონდენტი იუწყება, აზერბაიჯანული დელეგაციის წარმომადგენელმა პლაკატი ჩამოხია, რომელზეც აზერბაიჯანის პრეზიდენტი ილჰამ ალიევი იყო გამოსახული და აღნიშნული იყო, რომ აზერბაიჯანში ადამიანის უფლებები ირღვევა.

"ინტერპრესნიუსის" კორესპონდენტი ბათუმში დეტალების დადგენას ცდილობს და ინფორმაციას უახლოეს ხანში შემოგთავაზებთ.

აღნიშნული ფორუმი ბათუმის "რედისონში" იმართება, რომელსაც ევროინტეგრაციის საკითხებში სახელმწიფო მინისტრი დავით ბაქრაძეც ესწრება.

"ინტერპრესნიუსი"