საქართველოს ეკონომიკის ყოფილი მინისტრი და თავისუფალი უნივერსიტეტის დამფუძნებელი კახა ბენდუქიძე ლონდონიდან თბილისში დღეს ჩამოასვენეს.
როგორც "ინტერპრესნიუსის" კორესპონდენტი იუწყება, თბილისის საერთაშორისო აეროპორტში იმყოფებოდნენ კახა ბენდუქიძის ახლობლები, სტუდენტები, "ნაციონალური მოძრაობის" წარმომადგენლები.
კახა ბენდუქიძეს აეროპორტიდან სახლში, მოსაშვილის ქუჩაზე, #5-ში გადაასვენებენ, სადაც ხვალ სამოქალაქო პანაშვიდი გაიმართება.
საქართველოს ეკონომიკის ყოფილ მინისტრს კახა ბენდუქიძეს შაბათს, 22 ნოემბერს კუკიის სასაფლაოზე დაკრძალავენ. გამოსვენება კი დიღმის საუნივერსიტეტო კამპუსიდან მოხდება.
კახა ბენდუქიძე 58 წლის ასაკაში, 13 ნოემბერს, ლონდონის ერთ-ერთ საასტუმროში გულის შეტევით გარდაიცვალა.