ფოტო, რომელიც თბილისში, 24 ნოემბრის ღამეს არის გადაღებული, Chalo Photography-ს ეკუთვნის და ის ქსელში ძალიან დიდი პოპულარობით სარგებლობს. ავტორი ფოტოსთან დაკავშირებულ ისტორიას დეტალურად ყვება.
Facebook/ Chalo Photograph:
"გუშინ ცას ავხედე და ისეთი ვარსკვლავები იყო ვინატრე: "რა იქნება ქალაქგარეთ ვიყო და უფრო კარგად ჩანდეს-თქო".
ხოდა ღამის 2 საათისთვის ვიღაცამ ამისრულა ოცნება და ჩაქრა შუქი.
პირველივე წუთას აპარატს ვტაცე ხელი და სულ სირბილ-სირბილით ავირბინე პლატოზე (ვინაიდან ტაქსების კვალი არ ჩანდა).
ავედი და ჰოი საოცრებავ, ასეთი ლამაზი ცა, ზაფხულში რომ შუქი ჩაქრა, მაშინაც არ იყო...
გადავიღე, ხან ასფალტზე ვდებდი და ხან მოაჯირებზე ვაბავდი :))
მადლობა პატრულს, რომ ჩაიარა გადაღებისას და გამინათა.
მართალია, ჩამოსვლისას მობილური დამიჯდა და უკუნით სიბნელეში ერთი-ორჯერ შევასკდი ხეს და შუბლზე კოპიც მაქვს, მთავარია, თქვენ განახეთ ეს სილამაზე", - წერს ფოტოს ავტორი.