რა შეტყობინებებს უგზავნის "ნაციონალური მოძრაობა" მოქალაქეებს 15 ნოემბრის აქციის შემდეგ

"დიდი მადლობა 15 ნოემბრისთვის და საქართველოს ერთიანობისთვის! ერთად აუცილებლად გავიმარჯვებთ", - ეს მოკლე ტექსტური შეტყობინება მოქალაქე ზურა გიგაურმა რამდენიმე დღის წინ მიიღო, თუმცა როგორც ის Ambebi.ge-სთან საუბრისას აცხადებს, არანაირი კავშირი არ აქვს და არც არასდროს ჰქონია "ერთიან ნაციონალურ მოძრაობასთან".

"არც პარტიის წევრი ვარ და არც 15 ნოემბრის აქციაზე ვყოფილვარ, სწორედ ამან გამოიწვია ჩემი გაოცება",- განაცხადა ზურა გიგაურმა.

კითხვაზე, მართლაც უგზავნის თუ არა პარტია მსგავსი ტიპის მოკლე ტექსტურ შეტყობინებებს მოქალაქეებს, "ერთიანი ნაციონალური მოძრაობის" პრესსამსახურის უფროსმა, გიორგი პატარაიამ გვიპასუხა, რომ ეს მესიჯი სპამი არ არის და მართლაც გაუგზავნეს ყველას, ვინც პარტიის წევრია ან ოფიციალურ ვებ-გვერდზეა დარეგისტრირებული:

"ერთიანი ნაციონალური მოძრაობის" სახელით მოქალაქეებს ყოველთვის ვუგზავნით ხოლმე შეტყობინებებს. ეს მხოლოდ 15 ნოემბრის აქციას არ ეხება. შეიძლება მოკლე ტექსტური შეტყობინება იყოს რაიმე დღესასწაულის მილოცვაის დაგეგმილი ღონისძიების დაანონსების შემცველი ინფორმაცია და ა.შ. შეტყობინება ეგზავნება პარტიაში გაწევრიანებულ პირებსა და ჩვენს ოფიციალურ ვებ-გვერდზე დარეგისტრირებულ მომხმარებლებს, გარეშე პირები წესით ასეთ შეტყობინებებს არ უნდა იღებდნენ", - გვაცნობა გიორგი პატარაიამ.

სალომე შიხაშვილი

Ambebi.ge