თოვლი და წვიმა თვის ბოლომდე შენარჩუნდება - ამინდის ვრცელი პროგნოზი

წვიმიანი ამინდი საქართველოში თვის ბოლომდე შენარჩუნდება. როგორც "ინტერპრესნიუსს" გარემოს ეროვნული სააგენტოს მონიტორინგისა და პროგნოზირების ცენტრში განუცხადეს, 27-28 ნოემბერს, დასავლეთ საქართველოში წვიმაა მოსალოდნელი, აღმოსავლეთ საქართველოს ზოგიერთ რაიონში კი მოსალოდნელია ნალექი, ზოგან თოვლის, ზოგან წვიმის სახით.

დღეს სინოპტიკოსები თბილისში უნალექო ამინდის პროგნოზირებენ. ტემპერატურა დღისით + 5, ღამით 0 გრადუსი იქნება. დასავლეთ საქართველოში დღე უნალექოდ ჩაივლის, მოსალოდნელია აღმოსავლეთის ძლიერი ქარი, ტემპერატურა +15 გრადუსს მიაღწევს. აღმოსავლეთ საქართველოში კი მოსალოდნელია ნისლი და ზოგან ნალექი, უმეტესად თოვლის სახით. ტემპერატურა +5 +7 გრადუსი იქნება.