გასაგები მიზეზების გამო ძალიან დიდია ინტერესი "ნაციონალური მოძრაობის" სამი ლიდერის ციხის ცხოვრების მიმართ. როგორია ვანო მერაბიშვილის და ბაჩო ახალაიას ცხოვრება გისოსებს მიღმა, Ambebi.ge-ს მკითხველმა უკვე იხილა სტატიაში, სახელწოდებით "პატიმარ ბაჩო ახალაიას და ვანო მერაბიშვილის ყოფითი ცხოვრების ექსკლუზიური დეტალები".
ყოფილი ხელისუფლების ციხეში მყოფი ამ სამი ლიდერიდან ორი მათგანი - გიგი უგულავა და ბაჩო ახალაია შემოქმედებით საქმიანობას ეწევა. უახლოეს მომავალში გიგი უგულავას სატელევიზიო პროექტი გავა ერთ-ერთი არხის ეთერში, რაც შეეხება ბაჩო ახალაიას, ის ციხეში ყოფნის პერიოდში წიგნის ავტორი გახდა.
"სოხუმი - ჩემი იერუსალიმი", - ასე ქვია წიგნს, რომელიც ბაჩო ახალაიამ დაწერა და რომლის პრეზენტაცია მიმდინარე წლის ნოემბრის დასაწყისში მიხეილ სააკაშვილის საპრეზიდენტო ბიბლიოთეკაში გაიმართა. ცხადია, პატიმარ ახალაიას, ისევე, როგორც სხვა პატიმრებს, კითხვისთვის ბევრი დრო აქვს. როგორც "ნაციონალური მოძრაობის" ერთ-ერთი ლიდერის, ეკა ხერხეულიძისგან ხდება ცნობილი, ახალაიას იმ წიგნების სიაც აქვს შედგენილი, რომლის წაკითხვას უახლოეს მომავალში აპირებს. სია იხილეთ ფოტოში, რომელიც ხერხეულიძემ Facebook-ზე გამოაქვეყნა.