მედიკამენტების უმეტესი ნაწილი გაძვირდა. როგორც "ინტერპრესნიუსს" რამდენიმე აფთიაქში განუცხადეს, განსაკუთრებით გაძვირებულია წნევის წამლები.
თბილისის რამდენიმე აფთიაქში აცხადებენ, რომ მომატებულია თითქმის ყველა ტიპის მედიკამენტის ფასი. მაგალითად, გაძვირებულია "დიპროსპანი", "სალბუტამოლი", "პანადოლი".
აფთიაქებში წამალზე ფასების მატებას ქვეყანაში ლარის გაუფასურებას უკავშირებენ.
ამასთან, როგორც მომხმარებლები აცხადებენ, ბოლო დღეებში მათ მედიკამენტების შეძენა გაზრდილ ფასად უწევთ. მათივე ინფორმაციით, წამლებზე ფასმა ძირითადად 1,50 ლარიდან 2 ლარამდე მოიმატა. თუმცა, მაგალითად, მედიკამენტი "დიპროსპანი" 4 ლარით არის გაძვირებული.