საქართველოს პარლამენტის წევრი თამაზ ავდალიანი გარდაიცვალა. ამის შესახებ "ინტერპრესნიუსს" საქართველოს პარლამენტიდან აცნობეს. "საქართველოს პარლამენტი ღრმა მწუხარებით იუწყება, რომ ხანმოკლე, მძიმე ავადმყოფობის შედეგად გარდაიცვალა პარლამენტის წევრი თამაზ ავდალიანი", - ნათქვამია საკანონმდებლო ორგანოს მიერ გავრცელებულ განცხადებაში.
პარლამენტის ვებგვერდზე არსებული ინფორმაციის მიხედვით, თამაზ ავდალიანი 1964 წლის 16 სექტემბერს დაიბადა. ის ამ მოწვევის პარლამენტში საარჩევნო ბლოკ "ბიძინა ივანიშვილი - ქართული ოცნების" პარტიული სიით შევიდა.