სოზარ სუბარი დმანისში "ლამპრობის" დღესასწაულს დაესწრო

საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა მინისტრი სოზარ სუბარი, ოჯახთან ერთად, დმანისში, წმინდა გიორგის ტაძრის ეზოში "ლამპრობის" დღესასწაულს დაესწრო. ამის შესახებ "ინტერპრესნიუსს" ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა სამინისტროდან აცნობეს.

"ლამპრობა" უძველესი სვანური დღესასწაულია, რომელიც წმინდა გიორგის სახელს ეძღვნება. მისი მიზანი მოსავლიანობისა და საქონლის გამრავლება და კარგი ამინდის გამოთხოვა იყო. ლამპრების რაოდენობა ოჯახში მამაკაცების რაოდენობით განისაზღვრება - ერთი ლამპარი მზადდება ოჯახის სახელზე, რასაც იმდენივე ლამპარი ემატება, რამდენი მამაკაციც არის ოჯახში.

"ინტერპრესნიუსი"