კულტურის სამინისტრომ "ოსკარზე" დასასწრებად ქართველ მსახიობებს დღეში 60 დოლარი გამოუყო - მთავრობის სიძუნწემ საზოგადოება "დაშოკა"
"ოსკარის" ნომინაციაზე წარდგენილი, ქართველი რეჟისორის ზაზა ურუშაძის ფილმის "მანდარინების" შემოქმედებითი ჯგუფი კულტურის სამინისტროს უყურადღებობაში ადანაშაულებს. მსახიობების თქმით, სამინისტრომ მათ ყველაზე პრესტიჟული კინოფესტივალის დაჯილდოებაზე მოხვედრის შემდეგაც არ მიაქცია ყურადღება. გიორგი ნაკაშიძე აღნიშნავს, რომ სამინისტრომ მსახიობებს 7 დღის განმავლობაში ბიუჯეტად მიზერული თანხა დაუწესა, რომელიც მან, ცერემონიალზე დასასწრები ტანისამოსის შესაძენად უკვე გამოიყენა.
"ჩვენი დღიური პერდიემი, ანუ თანხა დღიური, 7 დღის განმავლობაში არის 420 დოლარი, ოსკარზე მიმავალი ქართველი მსახიობის პერდიემი არის 420 დოლარი", - განაცხადა გიორგი ნაკაშიძემ "სხვა შუადღეში" სტუმრობისას.
"დარწმუნებული ვარ, კულტურის სამინისტროში იმდენი მსახიობი მუშაობს, რომ კარგად იციან მსახიობების პრობლემები. საქართველოს ისტორიაში განა რამდენჯერ მოხდა "ოსკარზე" ქართული ფილმის დასახელება? ნუთუ ვერ ხვდებიან, რომ "ოსკარზე" გამგზავრება მარტო თვითმფრინავში ჩაჯდომა და წასვლა არ არის?!", - აღნიშნავს გიორგი ნაკაშიძე.
მთავარი როლის შემსრულებლის, მსახიობ მიშა მესხის თქმით, სასტუმროს ფულს ესტონური მხარე იხდის და მანვე დააფინანსა ქართველი მსახიობების რამდენიმე ფესტივალზე გამგზავრებაც.
მსახიობების სატელევიზიო გამოსვლას ინტერნეტში უამრავი კომენტარი მოჰყვა. მათი აბსოლუტური უმრავლესობა შოკირებულია იმ მწირი დაფინანსებით, რაც სამინისტრომ "ოსკარზე" გამგზავრებისთვის ქართველ მსახიობებს გამოუყო.
ს
იახლე!
თუ დაინტერესებული ხართ მხოლოდ საზოგადოებრივი თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
