ხარების დედათა მონასტერი და კავკასიური ნაგაზის არაჩვეულებრივი ლეკვები

ხარების დედათა მონასტერი და კავკასიური ნაგაზის არაჩვეულებრივი ლეკვები

ქარელის რაიონში მდებარე ხარების დედათა მონასტერი, სადაც განისვენებს ერეკლე მეორეს ქალიშვილი მარიამ ბატონიშვილი, ცნობილია თავისი არაჩვეულებრივი კავკასიური ნაგაზის ლეკვებით. სწორედ ეს გახდა Georgian Journal-ის თანამშრომლების ქარელში საგანგებოდ ჩასვლის მიზეზი.

მონასტერში სულ ხუთი კავკასიური ჯიშის ძაღლია, მათ შორის სამი ლეკვი და ორი მოზრდილი ძუ.

მორჩილმა მანანამ, რომელიც ძაღლების მთავარი აღმზრდელი და მომვლელია, ლეკვების დედა ლოკა-ფუთა ორი წლინახევრის წინ მოიყვანა მონასტერში. მისი თქმით, მას შემდეგ დედების ცხოვრება სრულიად შეიცვალა.

კავკასიური ნაგაზი გამოირჩევა თავისი სიდინჯით, სიმამაცით, ერთგულებით, სილამაზითა და სიჯიუტით. გერმანული ნაგაზისგან განსხვავებით, რომელსაც შეუძლია ორ ფეხზე დადგეს და სასუსნავი პირით მოგიტანოს, ქართული ნაგაზი იუკადრისებს მსგავსი დავალების შესრულებას თავისი ამაყი ბუნებიდან გამომდინარე.

“კავკასიური ნაგაზი ბუნებით მცველია და სპეციალური გაწვრთნა არ სჭირდება. მას კარგად აქვს გაცნობიერებული თავისი ფუნქცია და საკუთარ მოვალეობას პირნათლად ასრულებს. თუ ადამიანების გარემოცვაში იზრდება და ალერსიანად ეპყრობიან, თვითონაც უფრო მშვიდი და მოსიყვარულე ხდება,’’ - აღნიშნავს იღუმენია ბარბარე Georgian Journal -თან საუბრისას.

”როცა ცუდად ვარ, ძაღლებიც გრძნობენ ამას და მეფერებიან. მათ შეუძლიათ ნამდვილი მეგობრობა გაგიწიონ,”- ამბობს მორჩილი მანანა.

ლეკვთაგან ერთ-ერთი, სახელად ბალუ, მომავალში ქარელის წმინდა გიორგი მთაწმინდელის სასულიერო გიმნაზიას გადაეცემა, სადაც ის უკვე მოსწავლეების უსაფრთხოებაზე იზრუნებს და ამავდროულად დაამშვენებს სასწავლებლის ეზოს.

ლიკა ჭიღლაძე

AMBEBI.GE

იხილეთ სტატიის სრული ვერსია და ფოტომასალა

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია