IRI - საზოგადოების 55% ფიქრობს, რომ ქვეყანა არასწორი მიმართულებით მიდის
საერთაშორისო რესპუბლიკური ინსტიტუტის (IRI) კვლევების მიხედვით, საზოგადოების 55% ფიქრობს, რომ ქვეყანა არასწორი მიმართულებით მიდის.
კითხვაზე, ფიქრობთ თუ არა, რომ ქვეყანა მიდის სწორი მიმართულებით, გამოკითხულთა 55%-ის პასუხი უარყოფითია. 25% ფიქრობს, რომ ქვეყანა სწორი მიმართულებით მიდის. 20%-ს კი საკუთარი აზრი ჩამოყალიბებული არ აქვს.
IRI-ის კვლევის მიხედვით, საქართველოს მოსახლეობის უმრავლესობა ფიქრობს, რომ ქვეყნის ეკონომიკის მთავარ პრობლემას ლარის გაუფასურება წარმოადგენს. კითხვაზე, რა არის საქართველოს ეკონომიკის მთავარი პრობლემა, გამოკითხულთა 81%-მა ლარის გაუფასურება დაასახელა. 45% კი ფიქრობს, რომ პრობლემა მაღალი გადასახადებია.
რაც შეეხება კვლევის შედეგებს შეკითხვაზე - როგორი მდგომარეობაა დასაქმების კუთხით, გამოკითხულთა 64% მიიჩნევს, რომ გაიზარდა უმუშევრობა, 5% ფიქრობს, რომ შემცირდა, 30% - იგივე დარჩა.
IRI-ის კვლევის მიხედვით, შეკითხვაზე - როგორია ჯანდაცვის მდგომარეობა, გამოკითხულთა 79% მიიჩნევს, რომ გაუმჯობესდა, 10% - გაუარესდა და 8% - არ შეცვლილა.
შეკითხვაზე - რა არის მთავრობის მთავარი ჩავარდნა, გამოკითხულთა 29% მიიჩნევს, რომ ეს არის დაპირებების შეუსრულებლობა, 11% ფიქრობს, რომ ინფლაცია, 10% - ეკონომიკური კრიზისი, 5% - კრიმინალი, ასევე 5% ფიქრობს, რომ არაკომპეტენტურობა, 2% - გამოუძიებელი საქმეები.
IRI-ის კველევის შედეგებს "რუსთავი 2" აქვეყნებს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
