"მიყვარს და ბედნიერი ვარ!" - ბექა ხოფერიამ რუსეთში დიდი სიყვარული იპოვა

ბექა ხოფერია დიდი ხანია, არსად გამოჩენილა. სულ ცოტა ხნის წინ ცნობილი გახდა, რომ ის მოსკოვში წავიდა. Ambebi.ge-ს სანდო წყარომ მიაწოდა ინფორმაცია, რომ ბექა ხოფერიამ მოსკოვში იქორწინა და მისი რჩეული ეროვნებით რუსია. ინფორმაცია ბექას დედასთან, ხათუნა ხოფერიასთან გადავამოწმეთ, რომელმაც ეს ამბავი უარყო. Ambebi.ge ბექა ხოფერიას დაუკავშირდა:

- ბექა, თბილისში საუბრობენ იმის შესახებ, რომ დაქორწინდით. მართალია?

- ჯერჯერობით არ ვაპირებ.

- ამბობენ, რომ მოსკოვში სწორედ თქვენი რჩეულის გამო წახვედით და იქორწინეთ...

- მე ჩემი გეგმები მაქვს, უნდა ვისწავლო და პირადი საქმეები მაქვს.

- ანუ არ დაქორწინდით?

- მიყვარს და ბედნიერი ვარ, სხვას ვერაფერს გეტყვით.

თამარ ბოჭორიშვილი

AMBEBI.GE