თბილისში, ნუცუბიძის ქუჩაზე, "ლიბერთი ბანკის" ფილიალი გაძარცვეს. შემთხვევა დაახლოებით დღეს, 10:00 საათისთვის მოხდა. ადგილზე ამ წუთებში საპატრულო პოლიცია, ასევე ექსპერტ-კრიმინალისტები მუშაობენ.
როგორც "ინტერპრესნიუსს" "ლიბერთი ბანკის" პრესსამსახურში განუცხადეს, ჯერჯერობით ზარალის ოდენობა არ იციან. "ადგილზე პოლიცია მუშაობს, რის გამოც ჯერჯერობით დეტალების თაობაზე ინფორმაცია არ გვაქვს. არ ვიცით, რამდენია ზარალი ან საერთოდ მოახერხა თუ არა მძარცხველმა თანხის წაღება", - განმარტეს ბანკში.
არსებული ინფორმაციით, ბანკის ფილიალს თავს ერთი პირი დაესხა.