ხმაურია გურჯაანის მუნიციპალიტეტის გამგეობაში, სადაც "ქართული ოცნების" მხარდამჭერები არიან შეკრებილი. მათი განცხადებით, ხელისუფლებას "ნაციონალური მოძრაობისგან" იცავენ.
"ჩამოსულები არიან "ნაციონალების" დეპუტატები, ჩვენ არ შემოვუშვებთ მათ გამგეობაში. აქ იმიტომ ვართ, რომ დავიცვათ ჩვენი არჩეული ხელისუფლება "ნაციონალებისგან," - ამბობენ გამგეობაში შეკრებილი "ქართული ოცნების" მხარდამჭერები და საჯარო სექტორში დასაქმებული პირები.
ხმაური გურჯაანის გამგეობაში "ნაციონალური მოძრაობის" ახლად შექმნილი ანტიკორუფციული კომისიის წევრის, ზვიად კუპრავას გამოჩენას მოყვა, რომელმაც გამგეობაში განცხადება საჯარო ინფორმაციის მოთხოვნაზე შეიტანა.
"ნაციონალური მოძრაობა" გამგეობისგან ინფრასტრუქტურული პროექტებისა და ხარჯების შესახებ ითხოვს ინფორმაციას.
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.