დანგრეული შენობა და უშუქობა - ტუბდისპანსერი, სადაც პაციენტებს უმძიმეს პირობებში მკურნალობენ

უკიდურესად მძიმე მდგომარეობაში მყოფი შენობა, ელექტროენერგიის და ბუნებრივი აირის პრობლემა, დაბალი ხელფასები, სახელმწიფოს მხრიდან სრული უყურადღებობა - ასეთი მდგომარეობაა მე-5 ტუბდისპანსერში, რომელიც თბილისში, აფრიკის დასახლებაში მდებარეობს.

თბილისის მერიის ბალანსზე არსებული შენობა, რომელიც 80-იან წლებშია აგებული, კაპიტალურ რემონტს საჭიროებს. ფანჯრის მინებიდან მხოლოდ ნახევარია დარჩენილი, კედლებზე ბზარებია, მძიმე მდგომარეობაშია პაციენტების სამკურნალო ოთახებიც. დაწესებულების დირექტორის, ზურაბ სიხარულიძის განცხადებით, სახელმწიფო დაფინანსება პაციენტების რაოდენობაზეა დამოკიდებული და მწირი ფინანსებით შენობის გარემონტება წარმოუდგენელია.

იხილეთ ვიდეო