8 ქართველი ფეხბურთელი დაკავებულია - შსს განცხადებას ავრცელებს
სამართალდამცველებმა პირველ ლიგაში მოასპარეზე 8 ქართველი ფეხბურთელი დააკავეს. ამ თემაზე შსს-ში ბრიფინგი გაიმართა. როგორც უწყებაში აცხადებენ, დაკავებულია ქართული საფეხბურთო ლიგების რამდენიმე გუნდის ფეხბურთელი. ისინი ბრალდებულები არიან თამაშების ჩაწყობაში.
"გამოძიებამ დააადგინა, რომ დაკავებული პირები ათიათასი ლარიდან 20 ათას ლარამდე თანხის სანაცვლოდ წინასწარ ურიგდებოდნენ საქართველოს ეროვნულ საფეხბურთო ჩემპიონატში მონაწილე სხვადასხვა საფეხბურთო გუნდის წარმომადგენლებს კონკრეტული საფეხბურთო მატჩების წინასწარ დაგეგმილი შედეგით დასრულებისთვის. შემდეგ ონლაინ ტოტალიზატორებში შესაბამის ფსონებს ათავსებდნენ და მოგებულ თანხას ინაწილებდნენ. გამოძიება ორგანიზებული ჯგუფის მიერ სპორტული შეჯიბრების მონაწილის ან ორგანიზაციის მოსყიდვის ფაქტზე მიმდინარებს სისხლის სამართლის კოდექსის 203-ე მუხლის მესამე ნაწილით, რაც სასჯელის სახით 4-დან 6-წლამდე თავისუფლების აღკვეთას ითვალისწინებს", - აცხადებენ შსს-ში.
თემის ყველა დეტალი თეგზე # ქართველი ფეხბურთელების დაკავება
სიახლე!თუ დაინტრესებული ხართ მხოლოდ საზოგადოებრივი თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
