რამდენიმე წუთის წინ, გორში მომხდარმა ავტოსაგზაო შემთხვევამ მამაკაცის სიცოცხლე იმსხვერპლა. წმინდაწყლის დასახლების ტერიტორიაზე, გორის აგრარული ბაზრის მიმდებარედ, ჯერჯერობით დაუდგენელი სატრანსპორტო საშუალება აღნიშნულ საავტომობილო გზაზე მოძრავ მამაკაცს დაეჯახა. ის ადგილზე გარდაიცვალა. მძღოლი კი მიიმალა.
ამ დროისთვის შემთხვევის ადგილზე სასწრაფო, სამაშველო და საპატრულო სამსახურები იმყოფებიან. გარდაცვლილის ვინაობა ჯერჯერობით უცნობია. საპატრულო პოლიციამ მომხდარზე გამოძიება დაიწყო.