დედაქალაქში და საქართველოს ზოგიერთ რაიონში ამინდი გაუარესდება

საქართველოს ზოგიერთ რაიონში ამინდი მკვეთრად გაუარესდა. ძლიერი ქარია ზემო იმერეთში – საჩხერესა და ჭიათურაში. როგორც "ინტერპრესნიუსს" გარემოს ეროვნული სააგენტოს მოკლევადიანი პროგნოზების სამმართველოს უფროსმა დოდო გვაზავამ განუცხადა, სეტყვაა თელავის რაიონში. მისი თქმით, სეტყვის სიძლიერე საშუალო იყო და უკვე შეწყდა.

ამასთან, როგორც სინოპტიკოსები აღნიშნავენ, საქართველოს ზოგიერთ რეგიონში, მათ შორის დედაქალაქში ამინდის გაუარესება, კერძოდ კი ქარის გაძლიერება, სეტყვა, ელჭექი და წვიმა ნავარაუდევი იყო.

საქართველოში არამდგრადი ამინდები თვის ბოლომდე გაგრძელდება.