საზაფხულო ბაგა-ბაღებში ბავშვების რეგისტრაცია 10 ივნისიდან 28 ივნისის ჩათვლით გაგრძელდება
თბილისის მერიის განცხადებით, საზაფხულო ბაგა-ბაღებში ბავშვების რეგისტრაცია 10 ივნისიდან 28 ივნისის ჩათვლით გაგრძელდება. როგორც "ინტერპრესნიუსს" თბილისის მერიიდან აცნობეს, სააღმზრდელო წლის დასრულების შემდეგ, 25 საბავშვო ბაგა-ბაღში სასწავლო პროცესი კიდევ ერთი თვით გახანგრძლივდება.
"მშობელთა მოთხოვნის საფუძველზე, ბაგა-ბაღების მართვის სააგენტომ წელს საზაფხულო ბაგა-ბაღების რაოდენობის გაზდა გადაწყვიტა. 1-ელი ივლისიდან 31 ივლისის ჩათვლით თბილისის ათივე რაიონში სასწავლო-სააღმზრდელო პროცესს "საზაფხულო ბაღები" გააგრძელებენ. საზაფხულო ბაგა-ბაღები შეირჩა ადგილმდებარეობის, კეთილმოწყობილი შენობისა და ეზოს ფაქტორების გათვალისწინებით", - აცხადებენ მერიაში.
მათივე ინფორმაციით, საზაფხულო ბაგა-ბაღებში ბავშვების რეგისტრაცია ვებ-გვერდზე - www.kids.org.ge 10 ივნისიდან 28 ივნისის ჩათვლით გაგრძელდება.
საზაფხულო ბაღში დარეგისტრირებით აღსაზრდელები მომსახურებას მხოლოდ მიმდინარე წლის ივლისის თვეში მიიღებენ.
თბილისის მერია რაიონების მიხედვით საზაფხულო ბაღების სიასაც აქვეყნებს.
1. გლდანი - 48 საბავშვო ბაღი - ჩიქვანაიას 38
2. გლდანი - 205 საბავშვო ბაღი - გლდანის V მიკრორაიონი
3. გლდანი - 1-ლი ლოგოპედიური საბავშვო ბაღი - გლდანის VIII მიკრორაიონი
4. გლდანი - 184 საბავშვო ბაღი - მუხიანის I მიკრორაიონი
5. დიდუბე - 15 საბავშვო ბაღი - გაფრინდაულის 6
6. დიდუბე - 23 საბავშვო ბაღი - დიღმის მას. IV კვარტალი
7. დიდუბე - 91 საბავშვო ბაღი - წერეთლის 136
8. ვაკე – I საბავშვო ბაღი - ფალიაშვილის 34
9. ვაკე - 27 საბავშვო ბაღი - შავშიშვილის 5
10. ვაკე - 85 საბავშვო ბაღი - ვაჟა-ფშაველას 71
11. ისანი - 29 საბავშვო ბაღი - პატარძეულის 1
12. ისანი - 66 საბავშვო ბაღი - გუთნის I ჩიხი
13. ისანი - 182 საბავშვო ბაღი - ვაზისუბნის დასახლება
14. ისანი - 215 საბავშვო ბაღი - ქ. ჩოლოყაშვილის 1
15. კრწანისი -51 საბავშვო ბაღი - გორგასლის 43
16. მთაწმინდა - 170 საბავშვო ბაღი - შანიძის 28
17. ნაძალადევი - 9 საბავშვო ბაღი -გუდამაყრის 2
18. ნაძალადევი- 43 საბავშვო ბაღი - ლაითურის 64
19. ნაძალადევი - 60 საბავშვო ბაღი - თემქა XI მიკრო III კვარტალი
20. საბურთალო - 198 საბავშვო ბაღი - ი.პეტრიწის 15/ა
21. საბურთალო - საბავშვო ბაღი იმედი - ბახტრიონის 8
22. სამგორი - 28 საბავშვო ბაღი - მესამე მასივი X კვარტალი
23. სამგორი - 45 საბავშვო ბაღი - ჯავახეთის 8/ა
24. სამგორი -16 საბავშვო ბაღი - ბ.ხმელნიცკის 181
25. ჩუღურეთი - 34 საბავშვო ბაღი - გრანელის 17
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
