ავღანეთში დაჭრილი კაპრალი რამაზ დავითაია გარდაიცვალა

გორის ჰოსპიტალში ავღანეთში დაჭრილი კაპრალი რამაზ დავითაია გარდაიცვალა, - ამის შესახებ ინფორმაციას თავდაცვის სამინისტროს პრესსპიკერი იმედა დარსალია ავრცელებს.

მისი განმარტებით, რამაზ დავითაია 2012 წლის 21 ივნისს ავღანეთში სნაიპერის ტყვიით დაიჭრა და გორის ჰოსპიტალში სწორედ ამ პერიოდიდან მკურნალობდა. "ის მძიმედ იყო დაჭრილი და სამწუხაროდ, გორის ჰოსპიტალში გარდაიცვალა. ჩვენ ვუსამძიმრებთ მის ოჯახს", - განუცხადა დარსალიამ "ინტერპრსნიუსს".

"ინტერპრესნიუსი"