ზოოპარკთან, გვირაბში კიდევ ერთი ავტომობილი იპოვეს

მდინარე მტკვარში ცხედრების სამძებრო სამუშაოები გრძელდება. როგორც "ინტერპრესნიუსს" შსს-ში განუცხადეს, სამუშაოებს შინაგან საქმეთა სამინისტროს საგანგებო სიტუაციების მართვის სააგენტო აწარმოებს.

როგორც უწყებაში აცხადებენ, დღეს ზოოპარკთან, გვირაბში კიდევ ერთი ავტომობილი იპოვეს, რომელიც ცარიელი იყო.

13 ივნისის ტრაგედიის შედეგად ამ დრომდე დაკარგულად ითვლებიან ინდირა და ლიზი ზარანდიების თანამგზავრი, 27 წლის სერგი კაპანაძე, მათი ტაქსის მძღოლი ელიზბარ ბაღაშვილი და 33 წლის ბექა ბუთურიშვილი.