სუპერთასის 75 ლარიანი ბილეთი 300 დოლარად იყიდება: ონლაინ-მარკეტზე გადამყიდველი გამოჩნდა
საქართველოში, ერთ-ერთ ონლაინ-მარკეტზე უკვე გამოჩნდა თბილისის სუპერთასის გასაყიდი ბილეთები.
ვებგვერდზე განთავსებულ ინფორმაციაში წერია, რომ იყიდება "ბარსელონა-სევილიას" თამაშის 4 ცალი 75 ლარიანი ელექტრონული ბილეთი. განცხადებაში მითითებულია ბილეთების ადგილმდებარეობაც,- კერძოდ, I იარუსი, 13 სექტორი, 4 რიგი.
ბილეთების პატრონი განცხადებაში წერს, რომ ბილეთებს გარანტიით ყიდის. სუპერთასის ბილეთებს ფასიც "სუპერ-შესაბამისი" აქვს. ერთი ცალი 75 ლარიანი ბილეთი 300 დოლარად იყიდება.
როგორც ბილეთების პატრონმა Ambebi.ge-ს განუცხადა, ის ბილეთების გადამყიდველი არ არის, უბრალოდ გაუმართლა და მოახერხა ბილეთების ყიდვა.
"გამიმართლა და მოვახერხე ბილეთების ყიდვა. ამბობენ, რომ მას შემდეგ, რაც სალაროებში გაიყიდება ბილეთები, ფასები კიდევ უფრო მოიმატებს. მე დიდი გულშემატკივარი არ ვარ "ბარსელონასი", ასე რომ ბილეთების გაყიდვა გადავწყვიტე".
ჯონი პატარკაციშვილი
AMBEBI.GE
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
