აფაქიძის 13-ში შენობის დემონტაჟზე მე-10 კლასის მოსწავლეც მუშაობდა

თბილისში, აფაქიძის #13-ში ობიექტის დემონტაჟზე 16-17 წლის ახალგაზრდაც მუშაობდა. მის საძებნელად შემთხვევის ადილზე ახლობლები მივიდნენ და ნათესავის მდგომარეობის გარკვევას ცდილობენ. ერთ-ერთ ქალბატონი აცხადებს, რომ მისი ნათესავი მე-10 კლასის მოსწავლეა და მასთან დაკავშირება ამ დრომდე ვერ ხერხდება.

აფაქიძის ქუჩაზე მომუშავე ერთ-ერთ მუშას ახლობლები ეძებენ - უცნობია, არის თუ არა ის დაღუპულებს შორის

შემთხვევის ადგილზე "ტიფლისი ბიზნეს ცენტრის" მიერ დასაქმებულების ახლობლები ამ დრომდე ცდილობენ დაადგინონ, არიან თუ არა მათი ახლობლები გარდაცვლილები. ერთ-ერთი პირის განცხადებით, ობიექტზე ხუთი ადამიანი მუშაობდა, საიდანაც ოთხი ერთმანეთის ახლობელი და მეგობრები იყვნენ. მათი ასაკი კი, დაახლოებით 35-40 წელია.

სახლის ჩამონგრევის ამსახველი პირველი კადრები - რა მოხდა სპორტის სასახლესთან

მანვე "ინტერპრესნიუსს" განუცხადა, რომ ობიექტზე სამუშაოდ დასავლეთ საქართველოდან ჩამოვიდნენ და სხვადასხვა ობიექტებზე ასრულებდნენ სამშენებლო სამუშაოებს. თბილისში, სპორტის სასახლის უკან, აფაქიძის 13 ნომერში დღეს შენობა ჩამოინგრა. სამი ადამიანი ადგილზე დაიღუპა, ერთი კი - საავადმყოფოში.

"ინტერპრესნიუსი"