ლოტკინის დასახლებაში, თბილისის ზღვის ტერიტორიასთან ახლოს ხანძარი ლიკვიდირებულია, - ამის შესახებ "ინტერპრესნიუსს" შს სამინისტროს საგანგებო სიტუაციების მართვის თბილისის სამმართველოს უფროსის მოადგილე, დავით გელაშვილმა განუცხადა.
როგორც მან განმარტა, ხანძრის გამომწვევი მიზეზები ჯერჯერობით უცნობია.
"ხანძრის გამომწვევ და წარმომშობ მიზეზებს კომპეტენტური ორგანოები დაადგენენ. ამ დროისთვის ხანძარი ლიკვიდირებულია. დამწვარია ბალახი და ძველი საბურავები; 4-5 ჰექტარი ტერიტორია. ამ დროისთვის მიმდინარეობს ცალკეული დამუშავებითი სამუშაოები", - განაცხადა დავით გელაშვილმა. მისივე განცხადებით, ადგილზე ხუთი ერთეული სახანძრო და ორი ერთეული სამაშველო ბრიგადა მუშაობს.