ძიუდოისტმა რობიზონ ბეგლარიშვილმა, რომელმაც დღეს ევროპის ახალგაზრდულ ოლიმპიურ ფესტივალზე ოქროს მედალი მოიპოვა, თვალის ტრავმა მიიღო.
არსებული ინფორმაციით, მას თვალი სწორედ დღევანდელი ასპარეზობის დროს დაუზიანდა, მოგვიანებით კი ტკივილი უფრო გაუძლიერდა.
როგორც "ინტერპრესნსიუსს" თბილისის სასწრაფო სამედიცინო დახმარების პრესსამსახურის წარმომადგენელმა ნათია გედენიძემ განუცხადა, იგი სასწრაფო დახმარების მანქანას "ნიუ ჰოსპიტალის" ოფთალმოლოგიურ განყოფილებაში შემდგომი დაკვირვებისა და კვლევებისთვის გადაჰყავს.
როგორც თბილისის სასწრაფო სამედიცინო დახმარების პრესსამსახურში აცხადებენ, მისი მდგომარეობა ამ ეტაპზე სტაბილურია, თუმცა ოფთალმოლოგიის დარგში დამატებით კვლევებს საჭიროებს.