ეკიპაჟის გადაღლილობის გამო, თბილისიდან რომის მიმართულებით ავიარეისი გადაიდო

კომპანია "ალიტალიას" ოფისში რომის მიმართულებით ავრიეისის გადადების მიზეზი განმარტეს. როგორც "ინტერპრესნიუსს" კომპანიაში განუცხადეს, რომიდან თვითმფრინავი გუშინ ორი საათით დაგვიანებით ჩამოფრინდა, იგივე თვითმფრინავი რომში დილის 05.00 საათზე უნდა გაფრენილიყო და ეკიპაჟმა დასვენება ითხოვა.

"ეკიპაჟმა დასვენება ითხოვა. რომში რეისი დღეს, 18:00 საათზე შესრულდება. მგზავრებისთვის თვითმფრინავში ჩასხდომა 15:00 საათიდან დაიწყება", - განაცხადეს კომპანიაში.

თბილისის საერთაშორისო აეროპორტიდან "ალიტალიას" რეისი რომის მიმართულებით დღეს, 05:00 საათზე უნდა შეესრულებინა. ფრენის გადადების გამო თბილისის საერთაშორისო აეროპორტში მგაზავრები უკმაყოფილებას გამოთქვამდნენ.

"ინტერპრესნიუსი"