სოფელ დვირის ტყეში ხანძარი ლოკალიზებულია

ბორჯომის სოფელ დვირის წიწვოვან ტყეებში მეხანძრეებმა ხანძარის ლოკალიზება შეძლეს. ამის შესახებ "ინტერპრესნიუსს" სამცხე-ჯავახეთის გუბერნატორმა, აკაკი მაჭუტიძემ განუცხადა. მისივე ინფორმაციით, ხანძრის ჩასაქრობად მობილიზებულია შინაგან საქმეთა სამინისტროს ორი ვერტმფრენი. მთელი ღამის განმავლობაში ცეცხლის ჩაქრობის სამუშაოებში ასევე 150 ადგილობრივი და თბილისიდან ჩასული მეხანძრე იყო ჩართული.

გუბერნატორის თქმით, ხანძარის დასახლებულ პუნქტებში გავრცელების საფრთხე არ არსებობს. "ცეცხლის გამომწვევი მიზეზები უცნობია, მიმდინარეობს ფაქტის გამოძიება. ამ ეტაპზე ხანძრის ლიკვიდაციიაზე საუბარი ნაადრევია", - განაცხადა მაჭუტიძემ.

ცეცხლი ტყის მასივში გუშინ, დღის მეორე ნახევარში გაჩნდა. აცხადებენ, რომ ცეცხლი დაახლოებით 6 ჰექტარი ტყის მასივს გაუჩნდა.

"ინტერპრესნიუსი"