თბილისში მიმდინარე ევროპის ახალგაზრდული ოლიმპიური ფესტივალის დასკვნით დღეს საქართველოს დელეგაციას მეოთხე ოქროს მედალი ძიუდოისტმა ონისე სანებლიძემ მოუტანა, რომელმაც 90 კგ-მდე წონითი კატეგორიის ფინალში რუსი ალიუმარ ტუმაევი იპონით დაამარცხა.
ამრიგად, საქართველოს დელეგაციის ანგარიშზე ამ დროისათვის 9 მედალია - 4 ოქროს და 5 ბრინჯაოს. აქედან 8 ძიუდოისტთა ანგარიშზეა.
ფინალამდე ონისემ პოლონელი ერიკ რიცკიაკი, სერბი სტეფან მიჩიჩი და უკრაინელ ოლეკსი ბაბენკო დაამარცხა - ყველა იპონით.
საქართველოს ოლიმპიურ ფესტივალზე კიდევ ერთი მედლის მოპოვების შანსი აქვს - ბრინჯაოსთვის გელა ზაალიშვილი (+90) იბრძოლებს, რომელიც აზერბაიჯანელ რუსტამ კოტსოიევს დაუპირისპირდება.
"თბილისი 2015"-ის შესახებ ცნობები იხილეთ ტეგზე თბილისი 2015