9 სექტემბრის ჩათვლით საქართველოში უნალექო, მზიანი ამინდია მოსალოდნელი. როგორც "ინტერპრესნიუსს" გარემოს ეროვნული სააგენტოს მონიტორინგისა და პროგნოზირების ცენტრის ჰიდრომეტეოლოგიური სამსახურის უფროსმა სვეტლანა ნიორაძემ განუცხადა, დღეს მთელ საქართველოში, მათ შორის თბილისში, უმეტესად უნალექო ამინდი იქნება. თბილისში ჰაერის მაქსიმალური ტემპერატურა 29 გრადუსია მოსალოდნელი.
2 სექტემბრიდან კი საქართველოში თანდათან უფრო დათბება და 9 სექტემბრის ჩათვლით მზიანი ამინდი იქნება. შესაძლოა, 5 სექტემბერს როგორც დასავლეთ საქართველოს ასევე აღმოსავლეთ საქართველოს ზოგიერთ რაიონში იყოს მცირე წვიმა და ელჭექით.
ხვალიდან საქართველოს ტერიტორიაზე ჰაერის მაქსიმალური ტემპერატურა 30 გრადუსზე მეტი იქნება და შემდგომ დღეებში კიდევ მოიმატებს.