9 სექტემბრის ჩათვლით საქართველოში უნალექო, მზიანი ამინდია მოსალოდნელი. როგორც გარემოს ეროვნული სააგენტოს მონიტორინგისა და პროგნოზირების ცენტრის ჰიდრომეტეოლოგიური სამსახურის უფროსმა სვეტლანა ნიორაძემ განაცხადა, 2 სექტემბრიდან საქართველოში თანდათან უფრო დათბება და 9 სექტემბრის ჩათვლით მზიანი ამინდი იქნება.
შესაძლოა, 5 სექტემბერს როგორც დასავლეთ საქართველოს, ასევე აღმოსავლეთ საქართველოს ზოგიერთ რაიონში იყოს მცირე წვიმა ელჭექით.
დღეიდან საქართველოს ტერიტორიაზე ჰაერის მაქსიმალური ტემპერატურა 30 გრადუსზე მეტი იქნება და შემდგომ დღეებში კიდევ მოიმატებს.