თითქმის ისევე, როგორც 8 წლის წინ - საქართველო-შოტლანდია 1:0
საქართველოს ეროვნულმა საფეხბურთო ნაკრებმა ევროპის ჩემპიონატის შესარჩევ ეტაპზე შოტლანდია ანგარიშით 1:0 დაამარცხა. შეხვედრის ერთადერთი გოლი მატჩის 38-ე წუთზე ლევან მჭედლიძის პასით ვალერი ყაზაიშვილმა გაიტანა. ამ გამარჯვების შემდეგ კახა ცხადაძის გუნდს 6 ქულა მოუგროვდა და შესარჩევ "დე" ჯგუფში კვლავ ბოლოს წინა, მეხუთე ადგილზე იმყოფება.
საქართველო-შოტლანდიის შეხვედრა "დინამო არენაზე" გაიმართა, აღსანიშნავია, რომ საქართველოს ნაკრებში ადგილი ჰქონდა მცირე ინციდენტს. თორნიკე ოქრიაშვილმა, რომელიც 71-ე წუთზე შეცვალეს, სტადიონი მწვრთნელის გადაწყვეტილების გამო სავარაუდოდ უკმაყოფილოდ დატოვა. მან ხელი არ ჩამოართვა კახა ცხადაძეს და სათადარიგოთა სკამის ნაცვლად პირდაპირ გასახდელში გაემართა და მოედანი დატოვა.
შემდეგ შეხვედრას კახა ცხადაძის გუნდი სტუმრად ირლანდიასთან 7 სექტემბერს გამართავს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
