თბილისის თავზე დღეს დილიდან რამდენიმე ვერტმფრენი დაფრინავს. როგორც "ინტერპრესნიუსს" შინაგან საქმეთა სამინისტროში განუცხადეს, მიმდინარეობს საჰაერო გადაღებები და ვერტმფრენებიც სწორედ ამიტომ დაფრინავენ.
შსს-ს პრესსამსახურში არ დაუკონკრეტებიათ, თუ რას უკავშირდება აღნიშნული საჰაერო გადაღებები. თუმცა განაცხადეს, რომ ვერტმფრენები შინაგან საქმეთა სამინისტროს სასაზღვრო პოლიციას ეკუთვნის.